Гавары і чытай па-беларуску
У рамках акцыі "Размаўляй і натхняй", прысвечанай Міжнароднаму дню роднай мовы, які адзначаецца ў свеце 21 лютага, бібліятэкар Пішчалаўскай сельскай бібліятэкі падрыхтавала для сваіх наведвальнікаў выставу-заклік "Гавары і чытай па-беларуску".
На выставе былі прадстаўлены кнігі знакамітых беларускіх пісьменнікаў і паэтаў, якія палюбіліся чытачам бібліятэкі, таксама адзін з раздзелаў выставы пазнаёміў наведвальнікаў з беларускімі пісьменнікамі-юбілярамі 2024 года.
Раздзел беларускай літаратуры карыстаецца ўвагай і попытам у чытачоў. У дзень роднай мовы бібліятэкар прапанавала наведвальнікам бібліятэкі паўдзельнічаць і ў паэтычным караоке "Чытаем вершы па-беларуску", бо пакуль мы гаворым і спяваем, мова беларуская жывая!
Бібліятэкар А. Дубашынская