І слова гучала, чароўнае слова
Дзень беларускага пісьменства – гэта не проста дата ў календары, а сапраўднае нацыянальнае свята друкаванага слова. Штогод у першыя выхадныя верасня мы аддаём даніну павагі тым, хто стагоддзямі ствараў і захоўваў духоўную скарбніцу Беларусі. Гэты дзень нагадвае нам, што мова – гэта памяць, голас і жывая душа беларускага народа, яго генетычны код. Абавязак кожнага з нас – зберагцы спадчыну славутых беларускіх першадрукароў, пісьменнікаў і паэтаў, каб перадаць яе нашчадкам.
4 верасня, напярэдадні Дня беларускага пісьменства, ў Барздоўскай сельскай бібліятэцы ў рамках праекта “Кожная пятніца – роднае сваё!” прайшла літаратурная вандроўка “ І слова гучала, чароўнае слова”. Мерапрыемства прайшло з удзелам вучняў 5-6 класаў ДУА “Барздоўская дзіцячы сад - сярэдняя школа Аршанскага раёна”. Бібліятэкар пазнаёміла прысутных з гісторыяй узнікнення пісьменства на беларускіх землях. Школьнікі актыўна адказвалі на пытанні пазнавальных віктарын: “Пасланне продкаў”, “Ад бяросты да кнігі”, а таксама паспрабавалі сябе ў ролі перакладчыкаў. Адказваючы на пытанні і атрымліваючы падказкі ад бібліятэкара, удзельнікі даведаліся пра невядомыя факты з гісторыі беларускага пісьменства, пра жыццё і дзейнасць вядомых асветнікаў. Для чытачоў бібліятэкі праведзены бібліяграфічны агляд літаратуры “Пад небам беларускага пісьменства”, аформлена кніжная выстава-прэзентацыя “Лепшыя беларускія выданні ХХI стагоддзя”.
Бібліятэкар Т.В. Іванова