Будзем ганарыцца
«Будзем радавацца, ганарыцца, вечна памятаць, што ў нас есць такі паэт, як Максім Багдановіч» - гэтыя словы некалі сказаў Іван Навуменка. Менавіта гэта выказванне стала эпіграфам да літаратурна-музычнай вечарыны “Зорка ясная над родным краем”, прысвечанай 125-гадавіне з дня нараджэння М. Багдановіча, якая прайшла ў Запольскай сельскай бібліятэцы.
У мерапрыемстве прынялі ўдзел прыхільнікі творчасці класіка беларускай літаратуры. Прысутныя пазнаёміліся з жыццевым і творчым шляхам М. Багдановіча. Цудоўныя вершы паэта прачыталі Пабыліца Насця і Ястрабава Насця. У выкананні загадчыцы сельскага клуба Полазавай Наталлі прагучаў раманс “Зорка Венера”. Да мерапрыемства была аформлена кніжная выстава, якая зацікавіла многіх чытачоў.
