Беларусам я завуся, родным краем ганаруся
16 лютага ў дзіцячай бібліятэцы імя У.С. Караткевіча ў рамках праграмы аматарскага аб’яднання “Краязнаўчая майстэрня” адбыўся дзень краязнаўчай кнігі “Беларусам я завуся, родным краем ганаруся”. Наведвальнікі бібліятэкі змаглі пазнаёміцца з выставай-інсталяцыяй “Краязнаўства ў вершах, малюнках, фотаздымках”, на якой былі размешчаны фотаздымкі горада розных часоў, фотаальбомы, легенды і літаратура пра Оршу і Аршанскі край.
Акрамя таго, былі прадстаўлены зборнікі вершаў і апавяданняў аршанскіх літаратараў аб родным краі: У.Караткевіча, П.Саковіча, Г.Казака, Л.Міхайлавай і іншых.
У гэты дзень супрацоўнікі дзіцячай бібліятэкі размаўлялі з чытачамі на беларускай мове і прапаноўвалі ім літаратуру краязнаўчага характару, з якой яны з задавальненнем знаёміліся.
Бібліятэкар В.П.Кошыкава