Вітаем словам радасным
Якуб Колас (Канстанцін Міхайлавіч Міцкевіч, 1882–1956) – таленавіты празаік і паэт, які нарадзіўся ў канцы 19 стагоддзя, аўтар мноства апавяданняў, паэм і вершаў для дзяцей і дарослых, перакладчык, адзін з заснавальнікаў беларускай літаратуры і беларускай мовы. Граняў яго таленту шмат, і ўсе яны прасякнуты любоўю да сваёй Радзімы. Шырокаму колу чытачоў найбольш вядомыя яго вершы, паэмы, творы для дзяцей - "Новая зямля", "На ростанях", "Сымон-музыка", "Рыбакова хата", "Дрыгва" і іншыя.Якуб Колас пражыў доўгае і нялёгкае жыццё - яго біяграфія змяшчае дзве вайны, рэвалюцыю і асабістыя драмы. У дзень нараджэння паэта - 3 лістапада на працягу дня праходзіла акцыя "Чытаю Коласа я і ўся мая сям'я".
Чытачы бібліятэкі з задавальненнем чыталі вершы і ўрыўкі з любімых твораў песняра. Асноўная мэта акцыі – аб’яднаць беларускіх дзяцей і дарослых жывым мілагучным Коласавым словам, якое засталося нам у спадчыну.
Пазнаёміцца з жыццём і творчасцю песняра беларускай зямлі Вы можаце ў дзіцячай бібліятэцы імя У. С. Караткевіча, супрацоўнікі якой да 140-годдзя беларускага класіка падрыхтавалі літаратурную палітру “Вітаем словам радасным таго, чыё імя Радзіма ўшанавала…”, якая дзейнічае з 1 па 10 лістапада.
Супрацоўнікі дзіцячай бібліятэкі імя У. С. Караткевіча