Пачатак усяму – зямля тваіх бацькоў
20 лютага ў дзіцячай бібліятэцы імя Н.К.Крупскай прайшоў гістарычны экскурс для вучняў 8-х класаў ДУА “Сярэдняя школа №5 г.Оршы”, прысвечаны 85-годдзю ўваходжання Оршы і Аршанскага раёна ў склад Віцебскай вобласці. На мерапрыемстве прысутнічалі натарыўсы Натарыяльнай канторы Аршанскага раёна и горада Орша Ю.П.Бандарэнка і К.А.Шынкевіч.
Вучні разам з бібліятэкарам А.У.Шолахавай прыгадалі славутасці роднага горада, пазнаёміліся з гісторыяй іх стварэння, даведаліся шмат цікавага пра мінулае і сучаснае нашага горада. Ж.А. Палітава расказала ўдзельнікам мерапрыемства пра краязнаўчы праект “7 чудес Оршанщины”, які быў рэалізаваны супрацоўнікамі Цэнтральнай бібліятэкі імя А.С.Пушкіна да 955-годдзя г.Оршы.
На мерапрыемства бібліятэкары запрасілі добрага сябра бібліятэкі – вядомую аршанскую паэтэсу, аўтара і выканаўцу сваіх песень Т.М.Краеўскую. Вучні з вялікай цікавасцю слухалі цудоўныя вершы Тамары Міхайлаўны: “Караткевічу”, “Константин Заслонов”, “Баллада о флёровцах”, “Ганаруся”, “Успаміны”, “Родная мова”, “Афганская боль” і іншыя. Паэтычныя чытанні Тамары Міхайлаўны перапляталіся з выкананнем песень, праглядам відэакліпаў на вершы “Здравствуй, Орша!”, “Глаза матерей”.
Бібліятэкар А.У.Шолахава