Край цудаў, казак і буслоў
4 ліпеня ў бібліятэцы імя М. Горкага прайшоў краязнаўчы серпанцін “Край цудаў, казак і буслоў”, прысвечаный Дню Незалежнасці Рэспублікі Беларусь.
Удзельнікамі мерапрыемства сталі чытачы бібліятэкі, якія наведалі яе ў гэты дзень. Бібліятэкары расказвалі і зачытвалі цікавыя факты пра Беларусь: яе гісторыю, культуру, традыцыі. У ажыўленай гутарцы супрацоўнікі бібліятэкі і ўдзельнікі мерапрыемства ўспаміналі славутасці Беларусі, якія яны наведалі. Юным чытачам было прапанавана паказаць свае веды аб роднай краіне: прыняць удзел у віктарыне, выканаць разнастайныя заданні.
Больш даведацца пра сваю краіну ўдзельнікі мерапрыемства змаглі з літаратуры, прадстаўленай на кніжнай выставе "Зямля бацькоў – жыцця крыніца".
Загадчык абанементам В. В. Ільінцава