Ён і сёння з намі – наш Купала!
…Янка Купала і сёння побач з намі, жыве ў нашых сэрцах, ён разам з намі крочыць па роднай Беларусі…
5 ліпеня супрацоўнікі Аршанскай Цэнтральнай бібліятэкі імя А.С. Пушкіна наведалі адзін з самых маляўнічых куткоў Аршанскай зямлі – Ляўкі. Мемарыяльны запаведнік штогод збірае паэтаў, пісьменнікаў і аматараў творчасці Янкі Купалы.
Для гасцей з Санкт-Пецярбурга і ўсіх жадаючых супрацоўнікі літаратурнага музея правялі экскурсію. Пісьменнікі Аршаншчыны: Канстанцін Нілаў, Ларыса Новікава, Пётр Аўраменка, Аляксандр Лапцеў, Фёдар Васько зачыталі любімыя вершы.
Асаблівую атмасферу на мерапрыемстве стварылі супрацоўнікі ДК Копысь: загадчык Вікторыя Зязюліна, Віктар Рабейкін, Людміла Бабокава, Таццяна Літвінава і юныя выканаўцы групы “Мара”. Яны падаравалі ўсім прысутным цудоўныя музычныя нумары.
Бібліятэкар В.Самонава