А музыкі граюць, граюць...
19 ліпеня ў Віцебску адбыўся абласны конкурс народнай музыкі і прыпеўкі “А музыкі граюць, граюць...” у рамках XXXV Міжнароднага фестывалю мастацтваў “Славянскі базар у Віцебску”, на якім выступіла ўдзельніца вакальнага калектыву “Настроение” Бабініцкай сельскай бібліятэкі Марыя Бохан і кіраўнік калектыву Таццяна Баслярова, якая была ў якасці акампаніятара.
Конкурсная праграма складалася з трох тураў:
першы тур “Прыпеўкі местачковыя”. Трэба было праспяваць 5 прыпевак на тэму: адкуль, з якога населенага пункта прыбылі, чым знакаміты, якія людзі там жывуць, чым займаюцца, пра сябе;
другі тур “Прыпеўкі сямейна-бытавыя” – 5 прыпевак на тэму кахання, сям’і, няверных хлопцаў, саперніц, пра сябровак, суседзей, гарманіста і гармонь;
трэці тур “Прыпеўкі святочныя” – 5 прыпевак на тэму традыцый і каштоўнасцей, народных святаў, гулянняў, Міжнароднага фестывалю мастацтваў “Славянскі базар у Віцебску”.
Марыя годна прадставіла свой рэгіён і калектыў на абласным свяце і была ўзнагароджана дыпломам.
Загадчык Л. В. Кісялевіч