Вытокі беларускага пісьменства
Дзень беларускага пісьменства - гэта нацыянальнае свята, якое з 1994 года адзначаецца штогод у першы тыдзень верасня. Напярэдадні свята, з 1 па 7 верасня, у дзіцячай бібліятэцы імя У. С. Караткевіча былі арганізаваны тэматычныя кніжныя выставы. У чытальнай зале прадстаўлена экспазіцыя «Вытокі беларускага пісьменства», а на абанеменце – «Беларускія пісьменнікі – дзецям».
У чытальнай зале юныя чытачы і іх бацькі могуць пазнаёміцца з вядомымі землякамі праз прадстаўленую літаратуру. Таксама ўвазе гасцей прапанавана відэапрэзентацыя «Вытокі беларускага пісьменства». Акрамя таго наведвальнікі могуць праявіць сябе і бліснуць ведамі ў інтэлектуальнай гульні «Беларусь. Мінулае і сучаснасць».
Кожнаму адукаванаму чалавеку неабходна ведаць гісторыю сваёй краіны, арыентавацца ў стагоддзях, падзеях і імёнах. Гэта трэба для таго, каб паважаць продкаў і несці дыханне стагоддзяў у будучыню.
